Díli, 22 Jullu 2024: Estrutura Eletricidade de Timor-Leste, Empresa Pública (EDTL, E.P.) hamutuk Vise-ministru Infrastrutura, Júlio do Carmo, parseiru sira inklui funsionáriu hotu, selebra tinan haat ezisténsia EDTL, E.P nian ho tema, “Hamutuk Hodi Hametin No Hasa’e Kualidade Fornesementu Enerjia Elétrika” ne’e hala’o iha salaun Delta Nova-Díli, Segunda-feira ne’e.

Iha diskursu Vise-ministru Infrastrutura, Júlio do Carmo hatete, setór eletrisidade hanesan nesesidade importante ita hotu nian, tanba ne’e ita hotu tenke serbisu hamutuk, ho professional hodi hadiak kualidade fornesementu enerjia elétrika ba komunidade sira.

Membru governu nemos apresia ba serbisu tékniku no naun tékniku ne’ebé EDTL, E.P halo ho objetivu atu garante nafatin fornesimentu eletrisidade ba ema hotu.

Prezidente Konsellu Administrasaun no Komisaun Ezekutiva EDTL, E.P Dr. Paulo da Silva hatete, durante tinan haat EDTL, E.P konsege hasa’e rásio eletrifikasaun husi 85 % bá 99.7 % ekivalente suku 440 asesu ona eletrisidade, no falta Suku Goulolo- Maliana (Prosesu implementasaun projetu), Manusae Ermera (Prosesu implementasaun projetu), Betulau-Aileu (retender).

Além de ne’e, EDTL, E.P ultrapasa tárjetu ba kolesaun reseita ne'ebé media kolesaun kada-fulan miliaun ha'at resin (4.4 Milhoes). Fulan Janeiru to’o fulan Juñu ha tinan ne’e, EDTL, E.P konsege kolekta ona reseitas dolar amerikanu hamutuk miliaun $ 27.893.068,31.

Iha biban ne’e, EDTL-E.P fahe mos sertifikadu apresiasaun ba funsionáriu hotu no prémiu ba manan nain sira ne’ebé partisipa iha kompetisaun jogu footsal no kompetisaun tein ai-han lokal.

Média, EDTL, E.P